сомали қурғақчилиқ апитиниң астида еңримақта
сомалида еғир қурғақчилиқ сәвәбидин алтә адәмниң җенидин айрилғанлиқи билдүрүлди.
түркийә авази радийоси хәвири: сомали мудуг иштатиниң муавин валийси әһмәт моһамәд ширә ахбарат елан қилип, қурғақчилиқ сәвәбидин дөләт нопусиниң %90 ниң су йетишмәслик, 3.5 милйон кишиниң йемәк-ичмәк йетишмәслик қийинчилиқи астида йашаватқанлиқини билдүрди.
у мудуг вилайитиниң қурғақчилиқниң әң еғир тәсиригә учриған районларниң бири икәнликини, бу районда алтә адәмниң җенидин айрилғанлиқини уқтурди.
у қурғақчилиқ сәвәбидин җенидин айрилғанлар ичидә кичик балиларниңму барлиқини әскәртти.
сомалида өткән ай (2021-йили нойабир) қурғақчилиқ сәвәбидин әң аз дегәндә, 10 адәм җенидин айрилған иди.
сомали һөкүмити 23-нойабир барғансери еғирлашқан қурғақчилиқ сәвәбидин «җиддий һаләт» елан қилған иди.
б д т ниң санлиқ мәлуматлириға асасланғанда. 2020-йилниң ахирлиридин башлап пәсил характерлик йамғур үчинчи қетим йетәрлик дәриҗидә йағмаслиқи сәвәбидин, сомалида милйонларчә адәм җиддий йардәмгә моһтаҗ һалға чүшкән.
