blinkén bilen isirailiye bash ministiri naftali bénnét téléfonda körüshti
amérika tashqi ishlar ministiri antoni blinkén isirailiye bash ministiri naftali bénnétqa, ikki döletlik hel qilish charisi tirishchanliqlirigha ziyan salidighan, bir tereplime qedemlerdin yiraq turushi lazimliqini bildürdi.
türkiye awazi radiyosi xewiri: amérika tashqi ishlar ministiri antoni blinkén isirailiye bash ministiri naftali bénnétqa, isirailiyening ikki döletlik hel qilish charisi tirishchanliqlirigha ziyan salidighan, qanunsiz turalghu rayoni qurush paaliyetlirini öz ichige alghan bir tereplime qedemlerdin yiraq turushi lazimliqini bildürdi.
amérika tashqi ishlar ministirliqi bayanatchisi néd prays blinkén bilen isirailiye bash ministiri bénnét bilen téléfonda körüshkenlikini élan qildi.
u ikki rehberning téléfon söhbiti toghrisida élan qilghan yazma bayanatida: «ministir blinkén bilen bash ministir bénnét küchlük bolghan amérika-isirailiye shériklik munasiwitini tekitlidi. iran we wiyénnada dawamlishiwatqan yadro söhbiti, wuxen wirusi seweb bolghan dunyawi sinaqlarni öz ichige alghan rayon xewpsizliki mesililirini muzakire qildi. ministir blinkén yene, isirailiye we pelestin hökümitining yirikchilikni kücheytidighan we turalghu rayoni qurush paaliyetlirini köpeytish qatarliq muzakire qilinghan likki döletlik hel qilishni algha süridighan tirishchanliqlargha ziyan salidighan bir tereplime qedemlerdin yiraq turush kéreklikini qattiq tekitlidi» dédi.
