engiliye taratqulirida musulmanlargha we islamgha qarshi sözler köpeymekte
engiliye taratquliri musulmanlargha we islamgha alaqidar xewerliride, xata uchur, omumlashturush we islamgha öchmenlik qilish ipadilirini ishletmekte.
türkiye awazi radiyosi xewiri: engiliye musulmanlar kéngishige tewe taratqularni nazaret qilish merkizi teyyarlighan doklatqa asaslanghanda, 2018-yili öktebirdin 2019-yili sintebirgiche bolghan ariliqta 48 mingdin artuq maqale we 5500 téléwiziye xewiri léntisi tehlil qilinghan.
engliye axbarat wasitilirining musulmanlargha we islamgha alaqidar «(2018-2020) yilliq tarqitishliri» namliq doklatta, musulmanlargha yaki islamgha alaqidar maqalilerning %60 ning shundaqla téléwiziye xewerlirining %47 ning selebiy ikenliki bildürüldi.
doklatta, 5 maqalidin az dégende biride, térorluq yaki ashqunluq asas qilinghanliqi hemde din, térorluq we ashqunluqn témisi astida musulmanlargha we islam dinigha qarita tetur qarashlarning shekillendürülgenliki bildürüldi.
musulmanlarning xata tonushturulghanliqi, töhmetke uchrawatqanliqi eskertilgen doklatta yene, bu sewebler tüpeylidin tölemge höküm qilinghan we jemaetchiliktin kechürüm sorighan 10 délo barliqi tekitlendi.
éniqlashlargha asaslanghanda, «The Spectator», «kündilik pochta géziti», «Mail onSunday», «xiristiyanlar bügün» we «yehudiylar yilnamisi» qatarliq gézitlerning musulmanlar we islam heqqide düshmenlerche pozitisye tutuwatqanliqi békitilgen.
musulmanlarning étiqadi yaki pozitsiyelirige bir tereplime muamile qilghan we bularni omumlashturghan yaki xata tonushturghan maqalilarning köpinchisining ongchilar we diniy metbuatlar teripidin élan qiliniwatqanliqi tekitlengen.
«yehudiylar yilnamisi», «Mail onSunday» we «télégraf» qatarliq metbuatlarning bu wejidin tölem töleshke höküm qilinghanliqi eskertilgen.
doklatning téléwiziye xewerliri bölikide, dölet qanallirining rayonluq qanallargha sélishturghanda, musulmanlargha téximu bek tetur qaraydighanliqi muyyenleshtürüldi. undin bashqa yene, ongchil qarashtiki mutexessislerning musulmanlargha qarshi yalghan uchur tarqitishnimu öz ichige alghan omumlashturushlarda bolghanliqi, nurghun nuqtilarda qarshi pikirdikilerge orun bermigenlikliri qeyt qilindi.
