yawropa biyonték-fayzér waksinasini 11-5 yashtiki balilargha emleshni testiqlidi

türkiye awazi radiyosi xewiri:  yawropa dora agéntliqining yazma bayanatida, biyonték-fayzér waksinasining 12 yash we uningdin yuqiri yashtikiler üchün testiqining barliqini xatirilitip, 11-5 yash arisidikiler üchün emlinidighan waksina miqdarining az bolidighanliqi qeyt qilindi.

bayanatta, tewsiye qararining 2 mingdek bala üstidin qilinghan sinaq netijiside chiqirilghanliqini, eks tesirlirining emlengen jayning aghrishi we qizirishi, charchash, bash aghriqi, moskul aghriqi qatarliq bashqa yash guruppidikilerde körülgen alametler bilen oxshash ikenliki qeyt qilindi.

bayanatta yene, waksinaning 11-5 yashtikiler üchün paydisining ziyinidin köp ikenlikini alahide eskertti.

fayzér-biyonték waksinasining 15-12 yash guruppisidikilerde éghir eks tesir peyda qilmighanliqi we ünümining intayin yuqiri ikenliki bildürülgen bolup, ikki shishe waksina yette kün bilen töt ay ichide emlengen 12 yashtin 15 yashqiche bolghan balilarda, wuxen wirusi bilen yuqumlinishning aldini %100 alghanliqi uqturulghan idi.

amérika yémek-ichmek we dora idarisi (FDA) fayzér-biyonték waksinasini 15-12 yash guruppisidiki balilargha emleshni testiqlighan idi.