ebu zebi text warisi erdoghangha rehmet éytti
ebu zebi text warisi shahzade sheyx muhemmed bin zayid ennehyan tünügün paytext enqerede dölet ishliri ziyaritide bolghandin kéyin jumhur reis rejep tayyip erdoghangha minnetdarliq télégrammisi yollidi.
türkiye awazi radiyosi xewiri: qizghin kütüwalghanliqi we méhmandostluqi üchün jumhur reis erdoghangha rehmet éytqan shahzade bin zayid, ziyaretning özlirige nisbeten, «ikki dölet otturisidiki munasiwetlerni ortaq menpeetlerge xizmet qilidighan, ikki dost xelqke payda yetküzidighan shekilde tereqqiy qildurush pursiti yaritip bergenlikini» qeyt qildi, erdoghangha bext – saadet, ténige salametlik, türkiye xelqige tinch – amanliq, huzur - halawet we parawanliq tilidi.
yene bir tereptin, ereb birleshme xelipilikining resmiy xewer agéntliqi (WAM) ning, shahzade bin zayidning türkiye ziyaritige munasiwetlik xewiride eskertilishiche, paytext enqerede jumhur reis rejep tayyip erdoghan bilen bir yerge jem bolghan shahzade bin zayid, mundaq dégen: «iqtisadiy munasiwetlirimizni kücheytishni chöridigen halda élip barghan ziyaritimiz nahayiti muweppeqiyetlik boldi, hemkarliq üchün yéngi we uzaq mezgillik upuqlarning derwazisini keng échishni ümid qilimiz, tereqqiyat we parawanliq nishanlirimizgha, özara menpeet yetküzüsh asasida yétish yolida tirishchanliq körsitishni arzu qilimiz.»
