nigérda ikki ayrim térrorluq hujumi yüz berdi
nigérning maliy chégrasigha jaylashqan taxoa shehiride yüz bergen ikki ayrim qoralliq hujumda 25 puqra jénidin ayrildi.
türkiye awazi radiyosi xewiri: nigér taratquliridiki xewerlerde bildürülishiche, taxoa shehirining tilliya we taxoa rayonigha, kimliki namelum kishiler hujum qilghan. ikki ayrim hujumda 25 puqra jénidin ayrilghan.
qoralliq hujumchilar hökümet binasi we doxturxana binalirini bulighandin kéyin, etrapni oqqa tutup qéchip ketken.
nigérning qoshnisi malida heriket qiliwatqan térrorluq teshkilati el qaide we daéshqa chétishliq térrorluq teshkilatliri, burkina faso we nigérda pat-pat hujum weqelirini peyda qilmaqta.
nigér qoshnisi burkina faso bilen birlikte herbiy heriket qozghighan bolsimu, maligha jaylashqan térrorluq teshkilatlirining küchini ajizlitalmidi.
b d t melumatlirigha asaslanghanda, niérdiki térrorluq hujumliri sewebidin yéqinqi üch yilda 313 ming kishi dölet ichide yurt-makanliridin ayrildi. 235 ming kishi qoshna döletlerde panahlinishqa mejbur boldi.
kishilik hoquq közitish teshkilati 2021-yili yanwardin iyul éyighiche nigérning mali we burkina faso chégrasida yüz bergen toqquz qétimliq térrorluq hujumlirida 420 puqraning jénidin ayrilghanliqini élan qildi.
