polsha muxbirlarning bélarusiye chégrasigha bérishigha ruxset qildi
polshada muxbirlarning bélarusiye chégrasigha bezi shertler astida bérishqa imkaniyet yaritip béridighan qanun teklip layihesi qobul qilindi.
türkiye awazi radiyosi xewiri: polsha bash ministirliq ishxanisi muxbirlarning bélarusiye chégrasigha ruxset qilidighan qanun layihesining qobul qilinghanliqi toghrisida bayanat élan qildi.
bayanatta, dölet chégralirini qoghdash qanunigha munasiwetlik maddining qobul qilinghanliqi qeyt qilindi.
bayanatta, qanun layihesining chégralarni téximu ünümlük qoghdashni teklip qilidighanliqi we buning bilen birlikte, polsha-bélarusiye chégrasigha bezi shertler astida bérishigha imkaniyet yaritip béridighanliqi eskertildi.
bayanatta yene, qanun layihesi bilen chégra qoghdash xadimliri bixeterlikiningmu kücheytilidighanliqi, muxbirlarning chégra rayonida alahide sharaitlar astida xizmet qilidighanliqi bildürüldi.
polsha parlaméntining bayanatchisi rwszard térléski (Ryszard Terlecki) döletlik taratqu organlirigha ruxset bérilish éhtimalining chong ikenlikini eskertti.
yawropagha bérish üchün bélarusiye chégrasidin polshagha ötmekchi bolghan kishiler, ikki dölet otturisida yirikchiliklerning peyda bolushigha seweb bolghan idi. netijide, polsha hökümiti mezkur rayonda jiddiy halet élan qilip, texminen 400 kilométirliq uzunluqtiki jaygha muxbirlar we ijtimaiy teshkilat xadimlirining bérishini chekligen idi.
