liwiyediki saylamning kéchiktürülmeydighanliqi bildürrlüdi
liwiye saylam aliy komitétining reisi imad es saih saylamning waqtida élip bérilidighanliqini, qanunlar parlamént teripidin özgertilgen teqdirdimu saylamni kéchiktürüshning héchqandaq sewebi yoqliqini bayan qildi.
türkiye awazi radiyosi xewiri: imad es saih «liwiye el ehhar» qaniligha bergen bayanatida, aliy saylam komitétining saylam jeryanini toxtitish kérekliki toghrisida héchqandaq mektup tapshuruwalmighanliqini bildürdi.
liwiye aliy kéngishining reisi xalid el mishri tünügün élan qilghan bayanatida, ortaq tonush hasil qilish üchün 24-dékabir ötküzülmekchi bolghan pirézidéntliq we parlamént ezaliri saylimining 3 ay kéchiktürülüshi mumkinlikini otturigha qoyghan idi.
liwiye aliy kéngishining saylamning aldini élish üchün küch ishletmeydighanliqini tekitligen mishri saylamni bayqut qilishqa chaqirghan idi.
liwiye xelqara yighini jüme küni fransiye, gérmaniye we italiyening ortaq riyasetchilikide firansiyening paytexti parizhda ötküzülgen idi.
yighinning xulase doklatida, liwiyede 24-dékabir ötküzülmekchi bolghan pirézidéntliq we parlamént ezaliri saylimining «erkin, sighdurushchan, ochuq-ashkare we ishenchlik» bolishining muhimliqi tekitlengen we saylam musapisige buzghunchiliq qilmaqchi bolghanlargha jaza bérish kérekliki tekitlengen idi.
