yuqiri hawa témpératurasi nopus zichliqi bilen munasiwetlik
yuqiri hawa témpératurasining tesirige uchrash nisbitining 1983-yildin bashlap üch hesse ashqanliqi we buning nopus zichliqi bilen munasiwetlik ikenliki ashkarilandi.
türkiye awazi radiyosi xewiri: amérika birleshme agéntliqi (AP) - a pning amérika kolumbiye uniwérsitétining nopus we témpératura mölcherini öz ichige alghan melumatlarni tehlil qilghanda, 1983-yildin 2016-yilghiche yuqiri témpératuraning tesirige uchrashning üch hesse köpeygenliki otturigha chiqqan.
yer sharining issip kétishining tesiride kündilik otturiche témpératuraning örlep xeterlik halgha kelgenliki tilgha élinghan tehlilide, yuqiri témpératuraning kishilerde tére soyulush, pey tartishish we issiq ötüp qélish qatarliq ehwallarning körülgenliki tekitlendi.
yawropa ittipaqi teyyarlighan sanliq melumat tetqiqatlirida, dunyadiki 13 ming 115 sheher merkizi témpératurasining ölchengenliki, ularning yérimida dégüdek témpératuraning örleshke qarap yüzliniwatqanliqining bayqalghanliqi bildürüldi.
témpératura örlishining hindistanni öz ichige alghan jenubiy asiyada eng yuqiri ikenliki xatirilengen tetqiqatta, témpératura örlesh bilen nopus zichliqi otturisidiki biwasite munasiwet alahide diqqet qozghidi.
tetqiqatta, oxshash rayongha jaylashqan bangladishning dakka shehiri nopusining 1983-yili 7 milyon 700 mingdin 2016-yili 24 milyongha köpeygenliki, bir yil ichidiki témpératurasi yuqiri künler sanining her yili 1.5 kün ashqanliqi tekitlendi.
tetqiqatta, «dunyaning témpératurasini sanaet inqilabidin burunqi waqitlarning sewiyesige (1.5 sélsiye gradus) chüshürüshke tirishiwatqan döletlerning mesulliri mezkur sanliq melumatlargha asasen, yer sharining issip kétishi toghrisida téximu köp toghra qarar chiqiralaydu» déyildi.
