ereb ittipaqdash küchliri husiylargha zerbe berdi

türkiye awazi radiyosi xewiri: seudi erebistanning «‹ SPA› agéntliqi» ning xewer qilishiche, ereb ittipaqdash küchliri bayanatchisi türkiy elmaliki, bu heqte élan qilghan bayanatida, sana we sade wilayetliridiki husiylargha ait qoral – yaragh iskilatliri, ballistik bashqurulidighan bombilar we uchquchisiz hawa apparatlirigha zerbe bergenliklirini, bularning qanunluq herbiy nishanlar ikenlikini tekitlep mundaq dégen: «husiy eskerlirining chagra halqighan hujumliri tolimu külkilik bolup, biz yenila özimizni tutuwéliwatimiz.»

yene bir tereptin, husiylar teripidin bu heqte élan qilinghan bayanatta eskertilishiche, bügün etigen tereplerde, ittipaqdash küchliri  sana, umran we sade wilayetlirige hawa hujumlirini élip barghan.

husiylargha qarashliq «‹elmesire› téléwiziyesi» mu, ammiwi ortaqlishish tor béti Twitter sehipiside, mezkur hujumlar heqqide élan qilghan bayanatida, ittipaqdash küchlirige qarashliq hawa armiye qisimlirining, sananing oxshimighan rayonlirini uda 5 qétim bombardiman qilghanliqini uqturdi.