éfiyopiyede birleshken döletler teshkilatining 22 xadimi qolgha élindi

türkiye awazi radiyosi xewiri: b d t bash katipi bayanatchisi stéfan dujarich kündilik axbarat élan qilish yighinida qolgha élinghanlardin 6 nepirining kéyin qoyup bérilgenlikini éytti.

dujarik b d t xadimlirining néme üchün qolgha élinghanliqi toghrisida éniq chüshenche bérilmigenlikini, 16 neper b d t xadimning derhal qoyup bérilishi üchün éfiyopiye hökümiti bilen birlikte xizmet ishligenlikini bildürdi.

bu tutqun qilishlarning b d t ning insanperwerlik ishliri bash katipi martin giriftisning éfiyopiyege qilghan 4 künlük ziyaritidin kéyin yüz bergenliki hemmining diqqitini tartti.

éfiyopiye hökümiti ilgirimu 7 neper b d t xadimini ichki ishlirigha arilishish bilen eyiblep «yaxturulmaydighan kishi» élan qilghan idi.

b d t bash katipi antoniyo gutérrés éfiyopiyening b d t xadimlirini dölettin qoghlap chiqirishining qanunluq emeslikini bildürgen idi.

éfiyopiye hökümiti tigray xelq azadliq fronti (TPLF) ning hujumi sewebidin 2-noyabirda jiddiy halet élan qilghan we eddis ababagha qaritilghan hujumlargha qarshi mudapie xizmet etriti qurghan idi.