нигерийәдә мушу бир йил ичидила 1 милйон киши өй-маканлиридин айрилип қалди
нигерийәдә давамлишиватқан зораванлиқлар сәвәбидин бир йилда 1 милйон киши өй-маканлиридин айрилип қалди.
түркийә авази радийоси хәвири: панаһланғучилар, көчмәнләр вә йурт маканидин айрилғанлар комиссарлиқи (NCFRMI) башлиқи иман сулайман ибраһим дөләтниң охшимиған җайлирида давамлишиватқан зораванлиқлар сәвәбидин 12 ай ичидә 1 милйон кишиниң өй-маканлиридин айрилишқа мәҗбур болғанлиқини билдүрди.
сулайман ибраһим һәр қайси районлардики сәргәрданларниң лагер вә әтрапидики мәктәпләрдә панаһланғанлиқини әскәртип, 500 миңдин артуқ кишиниң қошна дөләтләрдин панаһлиқ тилигәнликини ейтти.
сулайман ибраһим нигерийәдики мисли көрүлмигән кризис сәвәбидин көчмәнләрниң көпийишиниң кишини әндишигә салидиған дәриҗидә икәнликини тәкитләп, «өткән бир йилдила 1 милйон кишиниң өй-маканлиридин айрилишқа мәҗбур болғанлиқи кишини чөчүтиду» деди.
сулайман ибраһим һөкүмәт башлиған қайтидин шәһәр-базар қурулуши лайиһәси даирисидә, бу өй - макансиз кишиләргә йемәклик вә асаслиқ лазимәтликләрниң әвәтилгәнликини елан қилди.
