модерна ваксинасини 17-12 йашлардики балиларға әмләш кечиктүрүлди
америка йемәк-ичмәк вә дора идариси модерна ваксинасиниң бир муддәт кечиктүрүлгәнликини елан қилди.
түркийә авази радийоси хәвири: америка йемәк-ичмәк вә дора идариси модерна ширкити қорамиға йәткәнләр үчүн тәтқиқ қилип йасиған вухән вируси (Kovid-19) ваксинасини әмләшниң <<әкс тәсир еһтималлиқлирини техиму йахши тәтқиқ қилиш үчүн>> бир муддәт кечиктүрүлгәнликини елан қилди.
модерна мәсуллири елан қилған байанатта, америка йемәк-ичмәк вә дора идариси вухән вируси ваксинасини 17-12 йашлардики балиларға әмләш йаки әмлимәсликкә мунасивәтлик қарарни, ваксина әмләткәнләрдә көрүлүш еһтимали болған йүрәк кесили қозғилиш хәтирини көзитиш үчүн кечиктүргәнлики, тәтқиқатниң йанвар (2022) ғичә давамлишидиғанлиқи қәйт қилинди.
америка йемәк-ичмәк вә дора идариси модерна ширкитигә әвәткән уқтурушта, ваксина әмләткәнләрдә интайин аз көрүлидиған йүрәк кесили қозғилишқа мунасивәтлик хәлқаралиқ мәлуматларни анализ қилиш үчүн көп вақитқа еһтийаҗлиқ икәнликлири әскәртилди.
мәзкур қарар, йапонийә вә искандинавийә дөләтлирини өз ичигә алған нурғун дөләтләр, модерна ваксинасиниң 30-18 йашлардики әрләрдә йүрәк москули йаллуғи пәйда болуш әндишәлирини тилға алғандин кейин чиқирилди.
модерна ширкити йәкшәнбә (2021-йили 31-өктәбир) күни байанат елан қилип, америка йемәк-ичмәк вә дора идарисидин алтә йаштин 11 йашлардики балилар үчүн әмләш рухсити беришни тәләп қилишни кечиктүридиғанлиқини билдүргән иди.
