nigériyede nurghun mektepler ders toxtitishqa mejbur bolghan
nigériyede élip qéchish qorqunchi 12 milyondin artuq balini mekteptin yiraqlashturdi.
türkiye awazi radiyosi xewiri: nigériye pirézidénti muhemmed buxarining bash katipi ibrahim gambari 4-qétimliq xelqara bixeter mektepler xitabname konaéransigha ishtirak qildi.
bash katip gambari konféransta pirézidént buxarining namida qilghan sözide, bolupmu nigériyening shimaliy rayonliridiki dölet mekteplirige qarita barghanséri köpiyiwatqan hujumlarning, maarip sistémisigha weyran qilish xaraktérlik tesir peyda qilishi mumkinlikini bildürdi.
u nigériyede élip qéchish qorqunchi sewebidin mektepke bérishtin qorquwatqan 12 milyondin artuq balining barliqini eskertip: <<bolupmu qiz balilar üchün bu bixeterlik mesililiri we tesirlirini yingishning qiyin ikenlikini silerge éytmaqchimen>> dédi.
u nigériye hökümitining maarip saheside yéterlik muweppeqiyetke érishish üchün dawamliq qolidin kélidighan tirishchanliqlarni körsitidighanliqini qeyt qildi.
nigériyening maaripqa mesul dölet ministiri chukwuméka nwajiyuba (Chukwuemeka Nwajiuba) dölet mekteplirige qiliniwatqan hujumlarning köpiyiwatqanliqini bildürdi.
u élip qéchilghan oqughuchilarning köpining fidye bedilige qoyup bérilgenlikini eskertip, qutquzuwélinghan balilarning rohi jehettin zexmige uchrighanliqini qeyt qildi.
yéqinqi aylarda nigériyening bénu, kaduna, katsina we zamfara ishtatliridiki mekteplerdin oqughuchilar élip qéchilghan idi.
hujumlar sewebidin nurghun mektepler ders toxtitishqa mejbur bolghan idi.
