mérkél yéngi hökümet qurulghiche wezipe öteydu

türkiye awazi radiyosi xewiri: gérmaniye bélwu pirézidéntliq sariyida ötküzülgen murasimda, mérkél we bashqa hökümet ezalirining wezipe ötes mudditining resmiy axirlashqanliqi bildürüldi.

pirézidént stéyinméyir murasimda qilghan sözide, mérkélgha 16 yilliq xizmetliri üchün teshekkür éytti.

u: <<hörmetlik bash ministir dölitimizge kirizislar we dawalghushlar anche az bolmighan 16 yilliq mezgilde rehberlik qilghanliqingiz üchün teshekkür éytmay turalmaymiz. chong kirizislar yillarche yüz berdi. wezipingiz bashlanghan deslepki mezgilde yü bergen pul-muamile we iqtisadiy kirizis, ikkinchi nöwetlik wezipe mezgilingizdiki yawro kirizisi we üchinchi nöwetlik wezipe mezgilingizdiki keng kölemlik musapirlar we köchmenler kirizisi, yéqinqi yillardiki wuxen wirusi (Kovid-19) kirizisi qatarliqlar... emma bu yillar yawropada we dunyada dölitimiz hörmet, söygüge érishken yillardur>> dédi.

u 2015-yilidiki musapirlar kirizisida jesurlarche chiqarghan qarar sewebidin mérkélni maxtap, mundaq dédi:

<<biraq, hemmidin muhimi puqralirimizning ishenchige érishtingiz. süriyedin kelgen musapirlar bizdin panahliq tiligen mezgilde özingizning döliti üchünla emes, belki yawropa üchünmu mesuliyetni üstingizge jasaritingiz sewebidin sheisiy namimdinmu teshekkür éytimen.>>

gérmaniyede saylam axirlashqanda ötküzülidighan fédératsiye parlaménti yighinidin kéyin, bash ministir we bashqa hökümet ezalirining wezipe ötesh mudditi resmiy axirlishidu.

biraq, pirézidént stéyinméyir asasiy qanunning munasiwetlik maddisi boyiche yéngi hökümet qurulghiche sabiq hökümetning wezipe ötishini tewsiye qilsa bolidu.