b d t birma armiyesining zorawanliqni kücheytiwétishidin endishe qiliwatqanliqini bildürdi
birleshken döletler teshkilati (b d t)ning birma kishilik hoquq alahide doklatchisi tom andréws, birmadiki eng yéngi weziyetke munasiwetlik b d t omumiy kéngishi doklati toghrisida toxtaldi.
türkiye awazi radiyosi xewiri: siyasiy özgirish qozghash arqiliq hakimiyetni tartiwalghan birma armiyesining döletning shimalidiki rayonlargha esker ewetishni kücheytishidin kéyin, siyasiy özgirishke qarshi guruppilar we puqralargha qaritilghan zorawanliqning téximu éghirliship kétishidin endishe qiliniwatqanliqi bildürüldi.
birleshken döletler teshkilati (b d t)ning birma kishilik hoquq alahide doklatchisi tom andréws, birmadiki eng yéngi weziyetke munasiwetlik b d t omumiy kéngishi doklati toghrisida toxtaldi.
andréws, bérma armiyesining shimaldiki ölkilerge on minglarche esker we éghir tipliq qorallarni orunlashturushining arakan ölkiside 2016- we 2017- yilliri yüz bergen irqiy qirghinchiliqtin ilgiriki esker toplashqa oxshaydighanliqini otturigha qoydi.
u, xelqara jemiyetni bérma armiyesining pul, qoral we qanuniyliq ishiklirini taqashqa chaqirdi we yéqinda minglighan siyasiy mehbuslarning qoyup bérilishini misal qilip, bu xil jazalarning ünümining bolidighanliqini éytti.
andréws, b d t xewpsizlik kéngishinimu birmagha qoral émbargosi yürgüzüsh heqqidiki qararini ijra qilishqa chaqirdi.
birma armiyesi 2020-yili 8-noyabirda ötküzülgen saylamgha hiyle arilashturulghanliqining ilgiri sürülüshi, shundaqla birmada siyasiy ixtilaplarning küchiyip kétishini bahane qilip, 2021-yili 1-féwral hakimiyetni tartiwalghanidi.
birma armiyesi yene, tashqi ishlar ministiri, shundaqla döletning emeliy rehbiri ang san suchi qatarliq hökümet emeldarliri bilen hakimiyet béshidiki nurghun partiye mesullirini tutqun qilip, bir yilliq jiddiy halet élan qilghan idi.
bérma siyasiy mehbuslargha yardem bérish teshkilatining sanliq melumatlirigha qarighanda, armiyening siyasiy özgirishke qarshi namayishchilar we qozghilangchi guruppilargha qoralliq mudaxile qilishi netijiside 1100 din artuq adem hayatidin ayrilghan, 9 mingdin artuq namayishchi qolgha élinghan.
bir terepte birmada keng kölemlik namayishlar ötküzülmekte, yene bir terepte nazaret astidiki yuqiri derijilik hökümet emeldarliri herbiy sotta sotlanmaqta.
