баңладишта һинди ибадәтханилириға һуҗум қилиш вәқәлири көпәймәктә
баңладишта йүзләрчә киши һинди ибадәтханилириға һуҗум қилғанлиқи сәвәб көрситилип тутулди.
түркийә авази радийоси хәвири: һинди-мусулман җиддийчиликигә әгишип зораванлиқ вәқәлири барғансери көпийиватқан баңладишта, 300 киши һинди ибадәтханилириға қилинған һуҗумға четилип тутулди.
мәсул даириләр көпинчиси комилла вә чатограмға җайлашқан 35 ибадәтханиға һуҗум қилинғанлиқини билдүрди.
һуҗумға мунасивәтлик 10 миңдин артуқ киши үстидин әрз қилинди. 300 дин артуқ киши тутулди.
дакканиң шәрқий җунубиға җайлашқан комилла районидики һинди ибадәтханисида қуран кәримгә һөрмәтсизлик қилинғанлиқи илгири сүрүлүши билән, 2021-йили 13-өктәбир чандпурға қарашлиқ һаҗигәнҗ районида вәқәләр йүз бәргән иди.
комилла, чатограм, куриграм вә молвибазар районлирида чиққан вәқәләрдә нурғун киши йариланған вә бу районларға нурғун хәвпсизлик күчлири әвәтилгән иди.
мусулманларниң муқәддәс мәнивийәтлиригә һақарәт қилинғанлиқиға мунасивәтлик тәкшүрүшләр башланған иди.
вәқәләр баңладиштики һиндилар дурга пуҗа фестивалини тәбрикләватқан вақитта чиққан иди.
