amérika: kabuldiki hawa hujumida qaza qilghan afghanlarning tughqanlirigha tölem bérimiz
amérika qoshma ishtatliri awghustta afghanistanning paytexti kabulda élip bérilghan bir qétimliq hawa hujumida hayatidin ayrilghan 10 afghanistanliqning tughqanlirigha tölem töleshke wede berdi.
türkiye awazi radiyosi xewiri: amérika dölet mudapie ministirliqi bayanatchisi jon kirbi, hayatidin ayrilghan afghanistanliqlarning aile-tawabiatlirining amérikagha köchürülüshige yardem bérish üchün ministirliq dairiside xizmet élip bériliwatqanliqini bildürdi. u, aililerge tölem bérish qararining dölet mudapie siyasiti meslihetchisi kolin kahl bilen hujumda hayatidin ayrilghan zamiri ehmed ishlewatqan amérika xeyr-saxawet orgini (NEI) ning qurghuchisi we reisi stéwén kwon bilen körüshkendin kéyin chiqirilghanliqini tekitlidi.
amérika 29-awghust afghanistandin chékinish musapisini tamamlashqa azla qalghanda kabul ayrodromigha yéqin jayda hawadin zerbe bérish herikiti élip bérip, yettisi kichik bala bolup jemiy on ademning jénigha zamin bolghanidi.
amérika merkizi qisimlar qomandani général kénnit makkénzi hujumning toluq mesuliyitini üstige alghanliqini we kechürüm sorighanliqini élan qilghanidi.
makkénzi 9-ayda hayatidin ayrilghan afghanistanliqlarning aile-tawabiatlirigha tölem töleshni oylishiwatqanliqlirini sözlirige ilawe qilghanidi.
