nigériyede qara guruhlargha zerbe bérildi
nigériyede boko haram térrorluq teshkilati heriket qiliwatqan borno ishtatida, qoralliq qara guruhlargha qaritilghan herbiy heriketlerde 76 kishi tutuldi.
türkiye awazi radiyosi xewiri: nigériye borno ishtatliq saqchi idarisining komissari umar abdu axbarat élan qilip, xewpsizlik mesililirige qarshi küresh dairiside ishtatning chibok, jéri, konduga we mafa rayonlirida qara guruhlargha qarshi herbiy heriket élip bérilghanliqini bildürdi.
u herbiy heriketlerde 76 qara guruh ezasining tutulghanliqini eskertip, köp miqdarda oq-dorilarning qolgha chüshürülgenlikini qeyt qildi.
nigériyede 2008-yili charwichilar we déhqanlarning toqunushi bilen bashlanghan zorawanliq weqeliri, 2015-yildin bashlap görüge élish we bulash heriketlirige aylandi.
nigériyede yéqinqi üch ayda qoralliq qara guruhlar otturisidiki toqunushlarda mingdin artuq kishi jénidin ayrildi. ötken yili (2020) aprél éyidin iyul éyighiche dawamlashqan <<puf addér herikiti>> (Puff Adder) de 2 ming 504 qara guruh ezasi tutulghan bolup, fidye üchün élip qéchilghan 207 kishi qutquzulghan idi.
