lawrow: talibanning jawabini kütüwatimiz
rusiye tashqi ishlar ministiri sérgéy lawrow, 20 – öktebirde «moskwa formati»da chaqirilidighan afghanistangha munasiwetlik yighingha talibanning ishtirak qilidighan – qilmaydighanliqini bildürüshini kütüwatqanliqlirini éytti.
türkiye awai radiyosi xewiri: rusiye tashqi ishlar ministiri sérgéy lawrow qazaqistan paytexti nursultanda chaqirilghan asiya hemkarliq we ishenchni ashurghuchi tedbirler qurultiyining altinchi nöwetlik tashqi ishlar ministirliri yighinidin kéyin bayanat élan qilip, 20 – öktebirde moskwa formatida chaqirilidighan afghanistangha munasiwetlik yighinning teyyarliq xizmetlirining dawamlishiwatqanliqini bildürdi.
yighingha taliban wekilliriningmu teklip qilinghanliqini bildürgen lawrow «yighingha teklip qilghan kishilerning jawab qayturushini kütüwatimiz. talibandinmu bu heqte jawap kütüwatimiz. ularning bu yighinning ehmiyitini chüshengen bolushini ümid qilimen» dédi.
lawrow, rusiyening afghanistangha insanperwer yardem buyumliri ewetidighan yaki ewetmeydighanliqi toghrisidiki bir soalgha: «bezi döletler bilen bolupmu moskwa yighinida b d t himaysiide afghanistangha insanperwer yardem bérish teklipini otturigha qoyushni xalaymiz» dep jawab berdi.
pirézidént wiladimir putinning afghanistan alahide wekili zamir kabulow, afghanistan mesilisi toghrisida moskwa formatida 20 – öktebir yighin chaqirilidighanliqini, buningdin bashqa rusiye, amérika qoshma ishtatliri, xitay we pakistanning ishtirak qilishi bilen üch terep kéngeytilgen yighini échishning pilanliniwatqanliqini uqturghanidi.
