пирезидент байдин ши җинпиңға американиң қәтий мәйданини билдүргән
америка пирезиденти җо байдин билән хитай рәиси ши җинпиң оттурисидики көрүшүштә, икки дөләт оттурисидики һәмкарлиқ саһәлири билән мәнпәәтләр айрилған мәсилиләрниң очуқ шәкилдә музакирә қилинғанлиқи билдүрүлди.
түркийә авази радийоси хәвири: ақсарай тәрипидин елан қилинған йазма байанатқа асасланғанда, америка пирезиденти җо байдин билән хитай рәиси ши җинпиң телефонда көрүшкән.
пирезидент байдин көрүшүштә, ши җинпиңға америка билән хитай оттурисида һәмкарлашқили болидиған саһәләрдә һәмкарлишишниң мумкинчиликидин бешарәт бәргән. мәнпәәтләр айрилидиған мәсилиләрдә болса, американиң мәйданиниң наһайити рошән икәнликини әскәрткән.
у американиң әркин һинди-тинч окйан райониниң қоғдилиши керәклики тоғрисидики қәтий мәйданини ши җинпиңға уқтурған вә хитайниң хәлқара содидики риқабәт қаидәлиригә мәсулийәтчанлиқ билән бойсунуши керәкликини тилға алған.
җәнубий хитай сәһәр почтиси гезити пирезидент байдин билән ши җинпиңниң, вашингтон вә бейҗиң оттурисида йеқинқи күнләрдә күчийиватқан риқабәтни қандақ қилип йолида давамлаштуруш мумкинчиликигә мунасивәтлик өзара пикир алмаштурғанлиқини хәвәр қилди.
хитай тәрәп пирезидент байдин-ши җинпиң көрүшүши тоғрисида елан қилған байанатида: «рәһбәрләр икки тәрәп мунасивәтлиригә пайдилиқ вә ортақ мәнпәәт болған мәсилиләр тоғрисида сәмимий, чоңқур вә кәң даирилик музакирә елип барди. пирезидент байдин американиң һинди-тинч окйан районида вә дунйада тинчлиқ һәмдә параванлиқни давамлиқ бәрпа қиилшта мәнпәәти барлиқини тәкитлиди. рәһбәрләр икки дөләт риқабәтлириниң тоқунушуп қалмаслиқиниң капаләткә игә қилиниши үчүн тәрәпләргә чүшкән мәсулийәтләрни музакирә қилди» дейлди.
ши җинпиң америка-хитай мунасивәтлириниң қайтидин муқим тәрәққийатқа қарап йүзлиниши үчүн сийасий вә истратегийәлик җасарәтни көрситишни тәкитләп, мундақ дегән:
«америка-хитай һәмкарлиқи дунйаға пайдилиқ, дүшмәнлишиш зийанлиқ.»
