мичотакс түркийәгә келиду

түркийә авази радийоси хәвири: җумһур рәис рәҗәп таййип әрдоғанниң тәклипигә бинаән ишқа ашурулидиған бу қетимқи зийарәтниң күнтәртипини иқтисад, қатнаш, илим-пән, техника, деһқанчилиқ, сайаһәт, сәһийә вә икки тәрәплик мунасивәт қатарлиқ саһәләрдики һәмкарлиқни давамлаштуруш мәсилилири тәшкил қилиду.

ғәрбий тракйадики түрк аз санлиқлири, родос, истанкөй вә сәланиктики түрк ирқдашларға мунасивәтлик мәсилиләр оттуриға қойулидиған сөһбәтләр җәрйанида, террорлуққа қарши туруш вә қанунсиз көчмәнликкә ортақ тақабил туруш саһәлиридики һәмкарлиқлар музакирә қилиниду.

зийарәт даирисидә йәнә, түркийәниң район вә хәлқара тәрәққийатлар, болупму исраилийә-пәләстин мәсилисидики мәйданини гиретсийә тәрәпкә йәткүзүши күтүлмәктә.

гиретсийә баш министири мичтотакс зийаритидин илгири «елиферос типос гезити» гә байанат берип, җумһур рәис әрдоған билән көрүшүштики мәқситиниң, икки дөләт оттурисидики өзара мәнпәәт йәткүзүшни нишан қилған йеқинлишиш мусаписиниң изчиллиқиға капаләтлик қилиш икәнликини оттуриға қойди.

җумһур рәис әрдоғанниң 7-декабирда гиретсийәдә өткүзүлгән йуқири дәриҗилик һәмкарлиқ кеңиши йиғини мунасивити билән гиретсийәни зийарәт қилиши, икки дөләт мунасивитидә йеңи сәһипә ачқаниди.