mustafa shentop shimaliy makédoniyening dölet bayrimini tebriklidi
türkiye büyük millet mejlisi (parlaménti) reisi mustafa shentop shimaliy makédoniye parlaméntining bashliqi talat jaferigha uchur ewetip, shimaliy makédoniyening dölet bayrimini tebriklidi.
türkiye awazi radiyosi xewiri: türkiye büyük millet mejlisi (parlaménti) reisi mustafa shentop dölet bayrimi munasiwiti bilen shimaliy makédoniye parlaménti bashliqi talat jaferigha tebrik xéti yollidi.
mustafa shentop yollighan tebrik xétide dost we qérindash shimaliy makédoniye xelqi we parlaménti bashliqi talat jaferini tebrikliep mundaq dédi:
«men shuninggha ishinimenki, türkiye bilen shimaliy makédoniye otturisidiki munasiwet, qérindashliq we méhir-muhebbetning yiltizi tarixiy baghlinishidin kélip chiqqan, shundaqla parlaméntlirimizning qoyuq hemkarliqi her sahede xelqimizning ortaq menpeetige mas halda tereqqiy qilidu. rayonning muqimliqigha dawamliq töhpe qoshidu. men bu munasiwet bilen dost we qérindash shimaliy makédoniye xelqige salametlik, tinchliq we güllinishni tileymen, sizge we shimaliy makédoniye parlaméntining hörmetlik ezalirigha muweppeqiyet we xushalliq téleklirimni yollaymen»
