kongo démokratik jumhuriyiti pirézidénti féliks türkiyede ziyarette bolidu
kongo démokratik jumhuriyiti pirézidénti féliks tshékédi bügün jumhur reis rejep tayyip erdoghanning teklipige binaen türkiyede resmiy ziyarette bolidu.
türkiye awazi radiyosi xewiri: jumhur reislik mehkimisi uchur - alaqe idarisining bildürüshiche, kongo démokratik jumhuriyitidin türkiyege qilinidighan tunji qétimliq prézidént derijilik mezkur ziyaret jeryanida jumhur reis erdoghan bilen pirézidént féliks uchrishish ötküzüp, ikki dölet munasiwitining nöwettiki ehwaligha omumyüzlük qarap chiqidiken we hemkarliqni yaxshilash yolida tashlinidighan qedemler üstide muzakire élip baridiken.
jumhur reis erdoghan bilen afriqa elliri ittipaqining nöwetchi reislik wezipisini ötewatqan kongo démokratik jumhuriyiti prézidénti féliksning uchrishishi jeryanida yene, afriqa weziyiti we 3-nöwetlik türkiye-afriqa hemkarliqi bashliqlar yighinining teyyarliq xizmetliri hemde nöwettiki xelqaraliq mesililer üstide pikir almashturulidiken.