psaki kabul ayrodorumi mesiliside türkiye bilen birlikte tirishiwatqanliqini éytti
amérika, «kabul ayrodorumining aktip we ochuq qilishi üchün biz türkiye we qatar bilen birlikte tirishiwatimiz» dep bayanat élan qildi.
türkiye awazi radiyosi xewiri: aqsaray bayanatchisi jén psaki kündilik axbarat élan qilish yighinida, amérikaning afghanistandin chékinish jeryani we eng yéngi özgirishler üstide toxtaldi.
pasaki hamid karzayi ayrodorumining ochuq qilishining hemmeylenge menpeetlik ikenlikini tilgha élip, «bu yerde asasliq shérikimiz bolghan türkiye we qatar bilen xizmet ishlewatimiz, téximu konkrét mesile, ayrodorumning ammiwiy qatnishini qayta heriketlendürüshtur. bu arqiliq peqet kishilerni tarqaqlashturupla qalmay, öz nöwitide yene, dunya yémeklik programmisi qatarliq programmilar arqiliq insanperwerlik yardimini yetküzüshmu mumkin bolidu» dédi.
psaki amérikaning afghanistandin chékinish qararini qollaydighanliqini tekitlep, afghanistandin ayrilishni xalaydighanlarni tarqaqlashturush mesiliside taliban bilen söhbetning dawam qilidighanliqini bayan qildi.
bayanatchi psaki amérikaning afghanistan bilen bolghan diplomatik munasiwitini saqlap qélish üchün talibanni étirap qilidighan yaki qilmaydighanliqigha dair soalgha jawap bérip, «hemmila ehwalda bolghangha oxshash bumu sher – sharaitqa baghliq, emma biz hazir bu hökümetni étirap qilishqa aldirap ketmeymiz» dédi.
