rusiye: «ottura asiyadiki ittipaqdashlirimizni qorallandurushni dawamlashturimiz»
rusiye afghanistandiki muqimsizliqning ottura asiyaghimu kéngiyishidin qattiq endishe qilmaqta.
türkiye awazi radiyosi xewiri: rusiye dölet mudapie ministiri sérgéy shoygu özlirining rayondiki ittipaqdashlirini qorallandurushni dawamlashturidighanliqini éytti.
rusiye dölet mudapie ministiri sérgéy shoyguning ottura asiya döletliri bilen afghanistan mesiliside alaqisining téximu qoyuqlashqanliqini tekitlep, herbiy jehette téximu köp qedem tashlaydighanliqining signallirini berdi.
shoygu kolliktip bixeterlik shertnamisi teshkilatigha eza bolghan qazaqistan, tajikistan we qirghizistanning armiyesini zamaniwilashturush programmisini dawamliq qollap quwwetleydighanliqini bildürdi.
herbiy ittipaqning bir parchisi bolmighan özbékistan bilenmu hemkarliqini eng yuqiri sewiyege chiqiridighanliqini tekitlidi.
rusiye awghustta üch herbiy manéwir élip barghan bolup, sintebirning birinchi heptisi teshkilat ezaliri bilen yéngi bir herbiy manéwir ötküzüshni pilanlimaqta.
