йәмәндә бу йил 3 милйон бала мәктәпкә баралмайду
йәмәндә бу йил тәхминән 3 милйон балиниң ички уруш сәвәбидин мәктәпкә баралмайдиғанлиқи билдүрүлди.
түркийә авази радийоси хәвири: хәлқара қизил кирест җәмийити (ICRC) йәмән вәкилләр өмикиниң башлиқи катарина ритз, аммиви ортақлишиш тор бети Twitter сәһиписидә, йеңи оқу – оқутуш йили мунасивити билән елан қилған байанатида, йәмәндә давамлишиватқан ички уруш сәвәбидин йүзләрчә мәктәпниң вәйран болғанлиқи йаки зийанға учриғанлиқини, бу йил тәхминән 3 милйон балиниң оқушни давамлаштуралмайдиғанлиқини әскәртти, һәмдә йәмәнлик балиларниңму пүткүл дунйадики балиларға охшаш мәктәпләргә берип, оқушини давамлаштуруши лазимлиқини тәкитлиди.
йәмәндә йеңи оқу – оқутуш йили тәхминән бир һәптә илгири башланғаниди.
бирләшкән дөләтләр тәшкилати балилар фонди (UNICEF), 8 – авғуст күни елан қилған байанатида, йәмәндики 8 милйон 100 миң балиниң җиддий маарип йардимигә моһтаҗ икәнликини уқтурғаниди.
