amérika 16 dölet we aralni «yuqiri sewiyediki xeterlik döletler» tizimlikige kirgüzdi

türkiye awazi radiyosi xewiri: amérika qoshma ishtatliri késelliklerning aldini élish we kontrol qilish merkizi (CDC), girétsiye, irélandiye, liwiye we iran qatarliq 16 dölet we aralni, «kowid – 19» yuqumi sewebidin, «herqandaq shekildiki barliq sayahettin saqlininglar» teriqiside tewsiye qilinghan «yuqiri sewiyediki xeterlik döletler» tizimlikige kirgüzdi.

amérika qoshma ishtatliri késelliklerning aldini élish we kontrol qilish merkizi teripidin «4 – sewiyediki xeterlik döletler» tizimlikige kirgüzgen döletler we arallar؛ andorra, girétsiye, iran, irélandiye, qazaqistan, liwiye, malta, lésoto we kurachaw (gollandiye antilis) jebiltariq, gwadélopé, man arili, martinik  saynit bartlémiy, amérika wirginiye aralliri we saynit martin taqim aralliri qatarliq döletler we arallardin teshkil tapidu.

mezkur döletler we arallargha sayahet qilishning, «kowid – 19» wirusi bilen yuqumlinish nisbitining yuqiri bolushi sewebidin intayin xeterlik ikenlikini bildürgen amérika qoshma ishtatliri késelliklerning aldini élish we kontrol qilish merkizi, bu döletler we arallargha sayahet qilishtin saqlish toghruluq tewsiyede boldi.