tunis pirézidénti hökümetni ötküzüwaldi

türkiye awazi radiyosi xewiri: tunis pirézidénti qays seid bash ministir hisham elméshishini wezipisidin qaldurghanliqini we özi wezipige teyinleydighan bash ministir bilen hökümetni ötküzüwalidighanliqlirini, chiriklik délolirini otturigha chiqirish üchün bash teptishlik wezipisinimu özining üstige alidighanliqini eskertti.

u her qaysi derijilik herbiy qomandanlar we xewpsizlik mesulliri ishtirak qilghan yighindin kéyin, taarqatqan widéoda «tunista yüz bériwatqan bulang-talang, ot apitige oxshash weziyetke qarita, döletni qutquzush üchün alahide muhim tedbirlerning élinishi kéreklikini» tekitlep, namini tilgha almighan az sandiki guruppilarning bezi rayonlarda ichki urush chiqirish üchün pul toplighanliqini ilgiri sürdi.

u bir qanche ay ilgiri chiqirilishi kérek bolghan mezkur qararlarni parlamént bashliqi rashid el gannushi we bash ministir hisham elméshishi bilen ötküzülgen muzakirelerdin kéyin chiqarghanliqini qeyt qildi.

u parlaméntning barliq hoquqliri, parlamént ezalirining alahide imtiyazlirini tonglatqanliqini, mewjut bash ministir hisham elméshishini wezipisidin qaldurghanliqini we özi wezipige teyinleydighan bash ministir bilen hökümetni ötküzüwalidighanliqini bildürüp, bir qararname élan qilidighanliqini we mezkur qararlarning derhal yolgha qoyulidighanliqini eskertti.

tunista hemme ayrodurumlar we chégra éghizlirining taqalghanliqi we armiyening bezi siyasetchilerni tutqun qilishqa bashlighanliqi toghrisida xewerler élan qilindi.

parlamént bashliqi gannushi bu özgirishlerni: «herbiy özgirish» dédi.

u: «tunis bir yéngi misir, seid bolsa sisi (misirda herbiy özgirish bilen textke chiqqan abdulfettah el sisi) bolmaydu.  démokratik usulda saylanghan parlamént we hökümet wezipisining béshida» dédi.

u yene, xelqni «démokratiyeni qaytidin tesis qilish üchün tinchliq usulda küresh qilish» qa chaqirdi.

tunis xelqining pirézidént qayis seid bayanat élan qilip uzun ötmeyla kochilargha chiqip tebrikleshke bashlighanliqi körüldi.

ötkenki aylarda, bolupmu paytext tunisni öz ichige alghan nurghun sheherlerde, hökümet we öktichi partiyelerge qarshi keng kölemlik namayishlar yüz bergen bolup, yüz bergen weqelerde naxda partiyesi qatarliq köpligen partiyelerning merkezliri hujumgha uchrighan idi.