iraqtiki ittipaqdash küchler birleshme bazisi uchquchisiz hawa apparati hujumigha uchridi
iraqning erbil shehirining herir bazirigha yéqin yerdiki amérika bashchiliqidiki daéshqa qarshi ittipaqdash küchler birleshme herbiy bazisi uchquchisiz hawa apparati hujumigha uchridi.
1679483
türkiye awazi radiyosi xewiri: daéshqa qarshi ittipaqdash küchler qoamdanliqi bayanatchisi polkownik wayn marotto, tünügün etigen saet 01 din 23 minut ötkende iraq kurd rayonluq hökümiti tewelikidiki ittipaqdash qisimlar bazisining uchquchisiz hawa apparati hujumigha uchrighanliqini, weqede héchqandaq maddiy ziyan we adem ölüsh ehwalining körülmigenlikini uqturdi.
bayanatchi polkownik wayn marotto, hujumning erbilning herir bazirigha yéqin jayda yüz bergenlikini qeyt qildi.
diqqet qilishqa erziydighini shuki, bu hujumning amérika bilen iraq otturisidiki amérika eskerlirining iraqtin chékinishi mesilisini téma qilghan «4- nöwetlik istratégiyelik diyalog»i dawamlishiwatqan peytte yüz bérishi boldi.
