amérika diplomatlirining sirliq salametlik mesililirini tekshürüshni dawamlashturmaqta
amérika hökümiti awstriyening paytexti wiyénnadiki amérika diplomatliri bashtin kechürgen sirliq saghlamliq mesilisini tekshürüwatidu.
türkiye awazi radiyosi xewiri: alaqidar tarmaqlar, 20 din artuq saghlamliq weqesining tekshürülgenlikini, bularning 2016 we 2017 – yilliri amérikiliq diplomat we jasuslar kubada doklat qilghan késellik alametliri bilen oxshash chiqqanliqini bildürdi.
késellik alametlirining sewebi téxi éniqlinalmighan bolmisimu, késellikler amérika tashqi ishlar ministirliqi, dölet mudapie ministirliqi (beshburjeklik bina) we amérika merkizi istixbarat idarisi (CIA) ning dawalash guruppiliri tekshürüshlerni dawamlashturmaqta.
amérika tashqi ishlar ministirliqi, amérikaning wiyénnada turushluq bash elchixanisida körülgen, sewebi téxi éniqlinalmighan saghlamliq weqelirini tekshürüwatqanliqini uqturdi.
beziliri méngige ziyan yetküzidu, dep qariliwatqan jarahetlerning mikro dolqun yaki radiyo dolquni bilen qilinghan hujum netijiside peyda bolghanliqi otturigha qoyulmaqta. emma, uzun yillardin buyan dawamlishiwatqan tekshürüshler, mezkur yarilinishlarni kim yaki némining keltürüp chiqarghanliqining éniqlinalmighanliqini otturigha qoymaqta.
wiyénnada ishleydighan diplomatlar, özliride sewebi namelum késellik alametliri körülgenlikini doklat qilghanidi.
wiyénnadiki késellik ehwalliri tunji qétim 16 – iyul jüme küni nyu yorkér zhurnilida élan qilinghanidi.
