pirézidént moiséni qestlep öltürüsh jinayitining bash gomandarining qolgha chüshürülgenliki bildürüldi
hayti pirézidénti jowénél moiséni qestlep öltürüsh jinayiti bash jinayetchilirining biri ikenliki ilgiri sürülgen jinayet gumandari nazaret astigha élindi.
türkiye awazi radiyosi xewiri: mehelliy taratqular, bixeterlik qisimlirini bu weqeni dawamliq tekshürüwatqanliqini ilgiri sürdi.
hayti dairiliri, tekshürüsh dairiside amérika qoshma ishtatlirining florida ishitatida olturushluq xiristiyan émmanuél sanon isimlik doxturning nazaret astigha élinghanliqini, mezkur kishining moiséni qeslep öltürüsh weqesining asasliq pilanlighuchilirining bir ikenlikini uqturdi.
döletlik saqchi idarisi dériktori léon charléz metbuatlargha bu heqte bayanat bérip: «hujumchilarni qorshawgha élish herikitining asasliq nishani émmanuél sanonni qolgha chüshürüsh idi» dégenlerni qeyt qildi.
hayti saqchiliri iz qoghlap qolgha chüshürüsh herikiti jeryanida, pirézidént moiséni qestlep öltürüsh weqesi bilen chétishliqi barliqidin shübhilengen 17 kolumbiyelik we tégi amérikaliq ikki haytiliq gumandarning qolgha élinghanliqini uqturghanidi.
hayti saqchiliri, alte kishini qolgha chüshürüsh xizmetlirining dawamlishiwatqanliqini, bu mesilide ammining saqchilar bilen hemkarliship hujumchilarni tépiship bérishini telep qilghanidi.
bir guruppa qoralliq kishiler haytining 53 yashliq pirézidénti moiséning öyige basturup kirip, uni öltürgen, ayali martén moysni éghir yarilandurghanidi.
moisé öyide suyiqestke uchrap öltürülgendin kéyin, waqitliq bash ministir klawud joséf, dölet miqyasida jiddiy halet élan qilghanidi.
