таҗикистанда ковид-19 ваксиниси әмләш мәҗбури һалға кәлтүрүлди
таҗикистанда 18 йаштин йуқири пуқраларға ковид-19 ваксиниси әмләш мәҗбури һалға кәлтүрүлди.
түркийә авази радийоси хәвири: таҗикистан корона вирусқа қарши туруш комитетиниң қарари билән һазирға қәдәр давамлишиватқан ихтийари ваксина әмләш хизмәтлири буниңдин кейин 18 йаштин йуқири пуқраларға мәҗбури һалға кәлтүрүлди.
бу қарар билән биргә йәнә чәтәлдин киргәнләрни 10 күн карантинада тутуш бәлгилимиси йолға қойулди.
таҗикистанға март ейиида оксфорд унверсититиниң «AstraZeneca» ширкити билән бирликтә тәтқиқ қилип йасап чиққан «Vaxzevria» ваксинисидин 192 миң вә хитайниң синовак ширкити йасап чиққан коронавак ваксинисидин 300 миң дора ваксина йетип кәлгән иди.
пат арида росийәдә ишләнгән «Sputnik V» ваксинисидин 100 миң дора йетип келиши мөлчәрләнмәктә.
таҗикистанда ваксина әмләш сәпәрвәрлики 22 - мартта башланған болуп, һазирға қәдәр җәмий 280 миң кишигә ваксина әмләнди.
таҗикистанда бүгүнгә қәдәр ковид -19 йуқумида қаза қилғанларниң сани 92 кишигә йәтти.
