liwanliqlar iqtisadiy kirizis peyda qilghan qimmetchilikke qarshi namayish ötküzdi
liwanliqlar iqtisadiy kirizis we nacharlishiwatqan turmush sharaitigha naraziliq bildürdi.
türkiye awazi radiyosi xewiri: ikki yilgha yéqin waqittin buyan éghir iqtisadiy kirizisni bashtin kechürüwatqan liwanda xelq namayish ötküzüp, nacharliship ketken turmush sharaiti, iqtisadiy qiyinchiliq, yéqilghu kemliki qatarliq mesililerge naraziliq bildürdi.
döletning shimaliy qismigha jaylashqan rayonlardiki namayishlar jeryanida yashlar, trablus bilen paytext béyrut otturisidiki tash yolni öz ichige alghan nurghun chong yollargha qum xaltiliri we tashlarni qoyup, qatnashni tosuwaldi.
liwanning shimalidiki eqqar nahiyesidin süriye chégrasigha baridighan xelqaraliq elminya yolimu namayishchilar teripidin tosuwélindi.
liwan resmiy xewer agéntliqi — NNA, döletning jenubidiki seyda wilayitide namayishchilarning dora kemchil bolush mesilisi, tok, su we yéqilghu teminlesh xizmetliride körülüwatqan yéterszliklerge naraziliq bildürgenlikini xewer qildi.
