2020-yili amérika sanatoriyelerdiki ölümler köpeygen
amérika sehiye ministirliqining doklatida, wuxen wirusi (Kovid-19) eng éghir tesir körsetken 2020-yilda sanatoriyelerdiki ölüm nisbitining %32 köpeygenliki bildürüldi.
türkiye awazi radiyosi xewiri: amérika sehiye ministirliqining teptishliri teyyarlighan doklatta, wuxen wirusining tesiri eng éghir bolghan mezgilni öz ichige alghan 2020-yilda, döletning sehiye tüzümidin paydilinip sanatoriyelerde turuwatqanlarning arisidiki ölüm nisbitining 2019-yilning oxshash mezgilige sélishturghanda %32 köp ikenliki bildürüldi.
doklatta, 2020-yili sanatoriyelerdiki 10 bémardin tötining wuxen wirusi bilen yuqumlanghanliqi we aldinqi yilgha sélishturghanda 169 ming 291 ölüm köp yüz bergenliki eskertildi.
doklat teyyarlashqa qatnashqan rayonluq muawin teptish xadimi nensiy xarison (Nancy Harrison): «sanatoriyelerdiki bémarlar néme üchün bunchiwala mudapiesiz qaldi? bu mesilini yoruqluqqa chiqirishimiz kérek» dédi.
wuxen wirusining 2020-yilidiki deslepki dolqunsiman istatistika melumatlirini öz ichige alghan keng dairilik tetqiqat ikenliki bildürülgen doklatta, sanatoriyelerdiki asiyaliq amérikaliqlarda körülgen yuqum we ölüm nisbetlirining, afriqaliq amérikaliqlar we latin amérikaliqlardin yuqiri ikenliki qeyt qilindi.
asiyaliq amérikaliqlarda 2020-yili körülgen ölüm nisbiti %27, aqtenliklerde %24, afriqa we latin amérikaliqlarda %23 bolghan.
