سۈرىيەنىڭ ئىدلىب رايونىدا يۈز بەرگەن ھۇجۇم نۇرغۇن پۇقرانىڭ جېنىغا زامىن بولدى

تۈركىيە ئاۋازى رادىيوسى خەۋىرى: سۈرىيە پۇقراۋى مۇداپىئە ئورگىنىنىڭ ئاخبارات ۋاسىتىلىرى ئىشلىرى مەسئۇل ھەسەن ئەھمەدنىڭ بىلدۈرۈشىچە، بەششەر ئەسەد كۈچلىرى، ئىدلىبنىڭ جەنۇبىغا جايلاشقان بارا ۋە ئىھسىم يېزىلىرىغا قۇرۇقلۇقتىن ھۇجۇم قىلغان، ھۇجۇملاردا بارادا 2، ئىھسىمدا 5 بولۇپ، جەمئىي 7 پۇقرا جېنىدىن ئايرىلغان، 10 پۇقرا يارىلانغان، يارىدارلار ئەتراپتىكى دوختۇرخانىلارغا ئورۇنلاشتۇرۇلغان.

يەنە بىر تەرەپتىن، بەششەر ئەسەد كۈچلىرى، ئەتىگەن تەرەپلەردە ئىدلىبنىڭ جەنۇبىدىكى ئىھسىم، مەششۇن، مەستۇما، سفوھىن، كېنسەفرا ۋە بەليۇن يېزىلىرىنى توپقا تۇتقان.