aljiriye «firansiye 24» qanilining döletke düshmenliki yüzisidin ijazetnamisini bikar qildi
aljiriye uchur - alaqe ministiri emmar bilxiymer tehrirlik xizmitide döletke ochuq-ashkare düshmenlik qilghanliqi yüzisidin «firansiye 24» téléwiziye qanilining ijazetnamisini bikar qilghanliqini élan qildi.
türkiye awazi radiyosi xewiri: ministir emmar bilxiymer aljiriye resmiy téléwiziye qaniligha bergen bayanatida, «firansiye 24» téléwiziye qanilining ijazetnamisini bikar qilish qararining döletke we organlirigha qarita ochuq-ashkare düshmenlik qilish sewebidin élinghanliqini éytti.
emmar bilxiymer «fransiye 24» qanilining tehrirlik xizmitide aljiriyege ochuq-ashkare düshmenlik qilish bilen shughullanghanliqini tekitlep, bu qanalning ijazetnamisining bikar qilinghanliqini jakarlidi.
öz nöwitide yene aljiriye hökümiti bayanatchisi wezipisinimu ötewatqan ministir emmar bilxiymer bu qararning sewebi heqqide toxtilip «fransiye 24 qanilining kespiy exlaqqa hörmet qilmasliqi, taratqularda tetür teshwiqat we monopul qilishqa urunushtin bashqa yene, aljiriyege ashkara düshmenlik qilghanliqi» ni chüshendürdi.
aljiriye uchur - alaqe ministirliqi mart éyida bayanat élan qilip, aljiriyediki namayish we yürüshlerni xewer qilishta ochuq-ashkare terebbazliq qilghanliqi sewebidin fransiye 24 qaniligha axirqi qétimliq agahlandurushta bolghan idi.
