amérika ukrainagha herbiy yardem berdi

türkiye awazi radiyosi xewiri: amérika mudapie ministirliqi — péntagon bayanat élan qilip, «mudapie ministirliqi (ukraina bixeterlikke yardem bérish pilanining bir qismi süpitide), ukraina armiyesining döletning zémin pütünlükini qoghdishi, chégra bixeterlikini kapaletke ige qilishi we shimaliy atlantik okyan ehdi teshkilati – natogha ara maslishishchanliqini yaxshilishigha hemdem bolush üchün, terbiyelesh we her xil üskünilerni öz ichige alghan 150 milyon dollarliq yardem boliqi yollidi» dégenlerni qeyt qildi.

bayanatta, mezkur 150 milyon dollarning amérika dölet mejlisi 2021 maliye yili dölet mudapie xamchotidin ukrainagha bérilishini telep qilghan 250 milyon dollarning bir qismi ikenlikige isharet qilindi.

bu yardemning ukraina armiyesining alaqe, qomandanliq, kontrol qilish we mudapie iqtidarining östürülüshige töhpe qoshidighanliqi bayan qilinghan bayanatta, yardem buliqining zembirek oqlirigha qarshi aldin agahlandurush radari, uchquchisiz ayropilangha qarshi éléktronluq urush üsküniliri, bixeter xewerlishish üsküniliri, bixeter tarqaqlashturush matériyalliri we alaqidar terbiyelesh buyumlirini öz ichige alidighanliqi qeyt qilindi.

ministirliqning bayanatida yene, buning 1-mart ukrainagha bérilgen 125 milyon dollarliq yardemning dawami ikenliki eskertildi.