макрон: җумһур рәис әрдоған билән көрүшүшни давамлаштурушимиз керәк
фирансийә пирезиденти еммануел макрон пикир охшимаслиқлири болушиға қаримай җумһур рәис рәҗәп таййип әрдоған билән көрүшүшни давамлаштуруш лазимлиқини ейтти.
түркийә авази радийоси хәвири: фирансийә пирезиденти еммануел макрон, пайтәхт париждики елисе сарийида өткүзгән ахбарат елан қилиш йиғинида, 14 – ийун күни белгийәниң пайтәхти бирйусселда чақирилидиған шималий атлантик әһди тәшкилати башлиқлар йиғини даирисидә өзиниң һәм җумһур рәис әрдоғанниң көрүшүшни халайдиғанлиқини әскәртиш билән бир вақитта, буниң йахши иш икәнликини тәкитләп мундақ деди: «чүнки бир – биримизни көрүшкә еһтийаҗимиз бар. гәрчә җумһур рәис рәҗәп таййип әрдоған билән пикир охшимаслиқлиримиз бар болсиму, йәнила өзара көрүшүшни давамлаштурушимиз лазим. шуни алаһидә тәкитләп өтимәнки, җумһур рәис рәҗәп таййип әрдоған билән көрүшүп, шималий атлантик әһди тәшкилати, сүрийә, ливийә, тағлиқ қарабағ вә фирансийәниң <радикализм> ға қарши күриши қатарлиқ мәсилиләр һәққидә сөһбәт елип беришни арзу қилимән. җумһур рәис әрдоғанға, <радикализм> ға қарши күрәшниң һәргизму ислам динини нишан қилмайдиғанлиқини чүшәндүримән, шундақла ишқа ашурулғуси һәмкарлиқ саһәлири тоғрилиқму җумһур рәис әрдоған билән музакирә елип баримән.»
