нато беларусийә билән русийәгә қошумчә ембарголарни йүргүзүши мумкин
нато баш катипи столтенберг ийун ейи (2021)ниң оттурида өткүзүлидиған нато алий рәһәрләр йиғинида, май ейида йолучилар айропиланини мәҗбурий қондурған беларусийәгә қарши елинидиған қошумчә тәдбирләрниң музакирә қилинидиғанлиқини ейтти.
түркийә авази радийоси хәвири: нато баш катипи столтенберг әнглийә зийарити җәрйанида баш вәзир борис җонсон билән ортақ ахбарат елан қилиш йиғини өткүзди.
у беларусийә һөкүмитигә қарши чиқирилған ембарголарниң иҗра қилиниши керәкликини билдүрүп, нато дөләтлириниң техиму көп ембарго йүргүзүши йаки йүргүзмәслики үстидә издиниватқанлиқлирини вә рйанайир айропиланиниң мәҗбурий қондурулуши мәсилисиниң нато алий рәһбәрләр йиғинида музакирә қилинидиғанлиқини қәйт қилди.
у русийәниң беларусийә билән йеқин мунасивәтләрдә икәнликини тилға алди вә қошумчә тәдбирләрниң русийәниму өз ичигә алидиғанлиқидин бешарәт бәрди.
әнглийә баш вәзири борис җонсон 2018-йили мартта салисбури шәһиридә йүз бәргән химийәлик һуҗумдин кейин, нато дөләтлириниң әнглийәни қоллиғанлиқини хатириләтти.
борис җонсон у вақитта русийә дипломатлириниң чеградин қоғлап чиқирилғанлиқини билдүрүп: «тор һуҗуми тәһдитлири вә бәзи әзалиримиз һазирму һес қиливатқан һәр хил қорқутушқа қарши өзимизни қоғдаш вә мудапиә үчүн бирликтә тиришиватқанлиқимиздин хатирҗәм болушни халаймиз» деди.
баш вәзир борис җонсон нато дөләтлириниң мәҗбурий қондурулған айропиланда қолға елинған өктичи журналист роман протасевич (Roman Protaseviç) вә униң қиз достиниң қойуп берилишини капаләткә игә қилиш мәқситидә, беларусийәгә бесим қилиш үчүн бирликтә тиришидиғанлиқлирини тәкитлиди.
нато алий рәһбәрләр йиғини 14-ийун (2021) белгийә пайтәхти бирйусселдики нато мәркизидә өткүзүлиду.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.
