b d t xewpsizlik kéngishi yekshenbe küni toplinidu

türkiye awazi radiyosi xewiri: b d t xewpsizlik kéngishi amérikaning bügün (2021-yili 14-may) toplinishqa qarshi chiqishidin kéyin, isirailiye bilen pelestin otturisidiki keskin weziyetni we yüz bergen zorawanliqlarni yekshenbe küni muzakire qilish toghrisida kélishti.

b d t xewpsizlik kéngishi mushu hepte ichide ikki qétim toplinishni qarar qildi, emma amérikaning qarshi chiqishi sewebidin héchqandaq qarar chiqiralmidi. kéngesh yekshenbe künidiki yighin bilen üchinchi qétim toplanghan bolidu.

b d t bash katipi antoniyo gutérs twittérda, isirailiye we pelestin otturisidiki keskin weziyet we zorawanliqlarda nurghun puqralarning jénidin ayrilghanliqini eskertip: «roza héytning yüz-xatirisi üchün» toqunushlarni derhal toxtitishni chaqiriq qildi.

u: «nurghun puqra jénidin ayrildi. bu toqunushlar rayonda radikalliqni we ashqunluqni kücheytidu» dédi.