yawropa ittipaqi: mesililerni pikriy mülkiyet hoquqliridin waz kéchish arqiliq hel qilghili bolmaydu
yawropa ittipaqi komitétining bashliqi ursula won dér léyén, «kowid – 19 yuqumi» waksinilirida pikriy mülkiyet hoquqliridin waz kéchish arqiliq mesililerni hel qilghili bolmaydighanliqini éytti.
türkiye awazi radiyosi xewiri: léyén, portugaliyening porto shehiride ötküzülgen «ijtimaiy ishlar bashliqlar yighini» din kéyin ötküzülgen axbarat élan qilish yighinida, «kowid – 19 yuqumi» waksinilirida pikriy mülkiyet hoquqliridin waqitliq waz kéchilishige munasiwetlik talash - tartishlar heqqide toxtilip mundaq dédi: «méningche bu mesile heqqide munazire élip bérishqa hazirliq körüp qoyushimiz kérek. derweqe, bu mesilining dairisi nahayiti keng bolup, hazir waksinilargha éhtiyajimiz bar, pikriy mülkiyet hoquqliridin waz kéchish bilen mesililerni hel qilghili bolmaydu, qisqa we ottura mezgilde birla quta waksina tetqiq qilip yasash nishanigha yetkili bolmaydu.»
aldi bilen, waksinilarni ortaqlishish, ishlepchiqirilghan waksinilarning éksport qilinishi we waksina ishlepchiqirish iqtidarining ashurulushigha qarita meblegh sélishining zörürlükini qeyt qilghan léyén, yawropada tetqiq qilip yasap chiqilghan waksinilarning yérimini dégüdek éksport qilghanliqlirini, hazirghiche 90 döletke 200 milyon quta waksina ewetkenliklirini tekitlidi.
u yene, pikriy mülkiyet hoquqliridin waz kéchishke munasiwetlik talash – tartishlargha daxil boluwatqan bashqa döletlernimu özliri ishlepchiqarghan waksinilarni éksport qilishqa chaqirdi.
