wuxen wirusi waksinalirining patént hoquqi emeldin qaldurulushi mumkin

türkiye awazi radiyosi xewiri: yawropa ittipaqining yuqiri derijilik bir emeldari 7-8-may künliri portugaliyede ötküzülidighan yighin toghrisida melumat bérip: «yighinda wuxgn wirusi waksinalirining patént hoquqini emeldin qaldurush mesilisini muzakire qilish we konkrét shekilde qandaq qilghili bolidighanliqini muzakire qilish üchün keng dairilik pikir birliki bar» dédi.

yawropa ittipaqida ishlepchiqirilghan waksinalarning texminen yérimining bashqa döletlerge éksport qilinghanliqini xatiriletken mezkur emeldar, buninggha qarita waksina ishlepchiqarghan bezi döletlerning éksportqa cheklime qoyghanliqini eskertti.

u dunya soda teshkilati diréktori ngozi okonjo iwéla (Ngozi Okonjo-Iweala) ning waksinalargha munasiwetlik soda qaidelirini waqitliq emeldin qaldurush toghrisidiki tékstni munazire qilish pikrini qollaydighanliqlirini bildürdi.

yawropa ittipaqi komitétining bashliqi ursula fondérléyin (Ursula von der Leyen) mu waksinalarning patént hoquqini emeldin qaldurush mesilisini muzakire qilishni qollaydighanliqini éytti.

amérika pirézidénti jo baydinmu waksinalargha munasiwetlik patént hoquqi mesiliside amérikaning meydanigha özgertish kirgüzüp, bu heq-hoquqlarni emeldin qaldurush pikrini qollaydighanliqini bildürgen idi.

amérika soda wekili katrin tay (Katherine Tai) waksinalarning ishlepchiqirilish miqdarini köpeytish üchün patént hoquqini emeldin qaldurushni qollaydighanliqlirini we dunya soda teshkilatining bu heqtiki muzakirelirige qatnishidighanliqlirini éytti.

dunya sehiye teshkilatining diréktori tédros adxanom ghébréyisus (Tedros Adhanom Ghebreyesus), amérikaning wuxen wirusi waksinalirining ishlepchiqirish miqdarini köpeytish üchün patént hoquqining emeldin qaldurulushini qollighanliqini medhiyelidi.

u: «amérikaning herikiti jesur heriket. bu wuxen wirusgha qarshi turushtiki pewquladde peyt» dédi.