firansiye «chadning ichki ishlirigha arilashmasliq» qa chaqirildi

türkiye awazi radiyosi xewiri: dunya musulman ölimalar birliki reisi piroféssor doktor ehmed erreysuni we bash katipi eli muhyiddin elqaradaghi testiqlighan bayanatta, dunya musulman ölimalar birlikining, chadta yüz bériwatqan özgirishlerni, hakimiyet talishish kürishi seweb boluwatqan ehwalni, ötkünchi herbiy kéngesh bilen öktichiler otturisida dawamlishiwatqan toqunushni qattiq endishe ichide közitiwatqanliqi tekitlendi.

bu ehwal aldida, firansiye, armiyesini chadtin chékindürüsh we döletning ichki ishlirigha arilishishtin waz kéchishke chaqiriq qilinghan bayanatta,  ötkünchi herbiy kéngeshtin, erkin we ochuq – ashkara yosunda ötküzülidighan saylamlar arqiliq hakimiyetning tinch shekilde almishishi we tinch ötküzülüwatqan namayishchilargha hujum qilinmasliqini qolgha keltürüshi telep qilindi.

döletning shimalida, chadta özgirish we masliq aldinqi sépige qarshi élip bérilghan herbiy heriket dawamida,  chad pirézidénti idris débi itnoning 19 – aprél küni öltürülüshidin kéyin, uning 37 yashliq oghli, pirézidént mehkimisi muhapizetchiler polkining qomandani, léyténant général muhemmed idris débi, 20-aprél küni, ötkünchi herbiy kéngeshning bashliqliqigha teyinlengenidi.

chadta hakimiyetni tartiwalghan kéngesh,  wezipe ötesh mudditining 18 ay ikenlikini élan qilghan, parlamént we hökümetni tarqitiwetkenidi. kéngesh, 27-aprél küni, sabiq bash ministir pahimi padaké albértni waqitliq bash ministir qilip teyinligenidi.

chadta ötkünchi herbiy ishlar komitéti hökümitige qarshi 27-aprél küni ötküzülgen namayishlarda 6 adem qaza qilghan, 700 din artuq kishi qolgha élinghanidi.