amérikada asiyaliqlargha (xitaygha) qarshi nepret ewj almaqta
amérikada asiyaliqlargha (xitaygha) qarshi nepret jinayitide, bu yil (2021) ning birinchi pesilde %164 lik éshish körüldi.
türkiye awazi radiyosi xewiri: kaliforniye ishtatliq uniwérsitétigha qarashliq nepret we ashqunluq tetqiqat merkizi teripidin saqchilarning doklatini menbe qilip élip bérilghan tetqiqatlargha asaslanghanda, amérikaning eng chong 16 shehiride melum qilinghan nepret jinayitining sani, bultur (2020) ning birinchi peslide %36 bolup, bu yil oxshash mezgilde %164 lik éshish bilen %95 ke örligen.
nepret jinayiti eng köp körülgen sheherler arisida %223 lik éshish bilen nyu york birinchi, %140 lik éshish bilen san firansisko ikkinchi we %80 lik éshish bilen los anzhélis üchinchi bolghan.
asiyaliqlargha (xitaygha) bolghan qarshiliqning nepret jinayitige türtke bolghanliqi tekitlengen tetqiqatta, bolupmu wuxen wirusi (kowid-19) yuqumining tégi xitay amérika puqralirigha qaritilghan nepret jinayitini kücheytiwetkenliki bildürülgen.
amérikadiki esli xitay bolghan amérika puqralirigha qaritilghan nepret we ayrimchiliq délolirini nazaret qilidighan teshkilatlardin birsi «Stop AAPI Hate» teshkilatining eng yéngi doklatida, amérikada 2020-yili 19-marttin 2021-yili 28- féwralghiche bolghan ariliqta 3795 öchmenlik jinayitining doklat qilinghanliqi uqturuldi.
amérika kéngesh palatasi 23-aprélda amérikada yashaydighan asiyaliqlargha qarita wuxen wirusi yuqumi sewebidin ewj éliwatqan nepret jinayitige qarshi «kowid-19 nepret jinayiti qanuni» ni testiqlighan idi.
bu qanun dairiside, esli asiyaliq amérika puqralirigha qaritilghan nepret jinayetliri eyiblengen bolup, wuxen wirusigha chétishliq nepret jinayetlirining edliye ministirliqi dairiside tézrek tekshürülüshi üchün yéngi bir guruppaning qurulushi qarar qilinghan idi.
