israiliyede éghir qistangchiliq weqesi yüz berdi
israiliyede lag baomer bayrimi tebriklengen rayonda körülgen qistangchiliq sewebidin 44 adem jénidin ayrildi, 103 adem yarilandi.
1631148
türkiye awazi radiyosi xewiri: méron téghidiki tebriklesh paaliyiti ötküzülüwatqan jayda yérim kéchidin ötkende namelum bir sewebtin qistangchiliq yüz berdi.
weqede bir qisim kishilerning éghir yarilanghanliqi toghrisidiki uchurgha asasen, rayongha alte qutquzush tik uchar ayropilani we köp sanda sehiye xadimi ewetildi.
bash ministir binyamin nétanyahu tiwittérda élan qilghan uchurida, weqege «éghir apet» dep baha bérip, yarilanghanlarning salametilikining eslige kélishini tileydighanliqini bildürdi.
«érusalim pochtisi géziti» ning xewiride bolsa, qistangchiliqta 44 kishining qaza qilghanliqi, 103 kishining yarilanghanliqi, yarilanghanlarning 44 nepirining yarilinish ehwalining éghir ikenliki qeyt qilindi.
undin bashqa, rayongha bir dala doxturxanisi tesis qilinghanliqi we aldirashchiliq sewebidin téléfon torida mesile körülgenliki ilgiri sürüldi.
israiliye saqchilirining méron téghidiki qistangchiliq weqesini tekshürüshni bashlighanliqi bildürüldi.
