blinkén ukrainada ziyarette bolidu
amérika bilen rusiye otturisidiki ukraina kirizisi keskinlishiwatqan bir peytte, amérika qoshma ishtatliri tashqi ishlar ministiri antoni blinkén kéler hepte ukrainada dölet ishliri ziyaritide bolidu.
türkiye awazi radiyosi xewiri: blinkén, amérika qoshma ishtatlirining «‹ CBS› téléwiziye qanili» bilen ötküzgen we qanalda hepte axirliri tarqitilidighan söhbitining deslepki bölümide, ukrainadiki özgirishler heqqide uchrishishlarni élip bérish üchün bu dölette ziyarette bolidighanliqini tekitlep mundaq dédi: «nöwette rusiyening ukraina chégrasigha toplighan esker sani, rusiye qirimni ishghal qiliwalghan 2014 – yildikidinmu köptur. rusiye pirézidénti wiladimir putinning meqsetlirini bilidighanliqimizni éytalmaymen, u ishqa ashurush yaki ashurmasliqni tallaydighan nurghun xususlar bar.»
yéqindin buyan rusiye eskerlirining chékinish jeryaninimu yéqindin közitiwatqanliqlirini eskertken blinkén, amérika qoshma ishtatlirining ukrainani qollaydighanliqini yene bir qétim tekitlidi.
