29.04.2021

«‹star› géziti», « eliyéw türkiye sezgürlikini tekitlidi» serlewhilik xewiride, munu uchurlargha orun ajratti:

ezerbeyjan pirézidénti ilham eliyéw amérika tashqi ishlar ministiri antoniy billinkén bilen téléfonda körüshti. eliyéw söhbette amérika pirézidénti jo baydinning 1915-yilidiki weqelerge «irqiy qirghinchiliq» dep tebir ishletkenliki üstide toxtilip, «türkiye ezerbeyjanning yéqin dosti we ittipaqdishidur. urushtin kéyinki mezgilde rayonimizda intayin muhim we ijabiy rol oynimaqta. amérika pirézidéntining bu bayanati ezerbeyjan hökümiti we xelqini biaram qildi» dédi.

«‹xewer türk› géziti», «tatar qibris mesilisini menggülük hel qilish charisigha ige qilish üchün 6 maddiliq teklip sundi» serlewhilik xewiride, munu uchurlargha orun ajratti:

shimaliy qibris türk jumhuriyiti pirézidénti ersin tatar qibris mesilisini menggülük hel qilish charisigha ige qilish üchün 6 maddiliq teklipini birleshken döletler teshkilatining bash katipi antoniyo gutérrésqa sundi. teklipte, qibris türk xelqige mensup bolghan igilik hoquq, barawerlik we barawer xelqaraliq salahiyetning étirap qilinishining réal we imkaniyetlik sijil hel qilish yoligha tutishidighan netijige yüzlengen söhbetke yol achidighanliqi tekitlendi.

«‹yéngi shepeq› géziti», «yerlik waksina keng kölemde ishlitishtin ilgiriki axirqi basquchta» serlewhilik xewiride, munu uchurlargha orun ajratti:

sehiye ministiri fahrettin koja kowid-19 gha qarshi élip bérilghan yerlik waksina ishlepchiqirish xizmetliri heqqide melumat berdi.  yerlik waksina tetqiqatida axirqi basquchta turuwatqanliqini bildürüp, «kelgüsi bir nechche künde 3-basquchluq sinaq bashlinidu. bu keng kölemlik ishlitilishining axirqi basquchi bolidu» dédi.

«‹weten› géziti», «türkiye yéngiliq yaratti» serlewhilik xewiride, munu uchurlargha orun ajratti:

merkizi ishxanisi amérikada turushluq xewer tor békiti «Al Monitor» türkiyening TCG anadolu hujumchi paraxotini qoralliq uchquchisiz ayropilan (SİHA) paraxotigha özgertish arqiliq herbiy saheni yéngi bir uqumgha ige qilghanliqini yazdi. bu paraxotning pütünley uchquchisiz ayropilan (SİHA) lar bilen qorallandurulishi dunyada tunji qétimliq ish bolup, paraxotning 2023-yili paaliyetni bashlishi mölcherlenmekte.

«‹höriyet› géziti», «formula 1 türkiyege qaytip keldi» serlewhilik xewiride, munu uchurlargha orun ajratti:

dunyadiki eng muhim motorluq qatnash wastisi tenterbiyelirining birsi bolghan «formula 1» musabiqisi, 11 - iyundin 13-iyunghiche intérsitiy istanbul baghchisida ötküzülidu. milyardlighan körürmenliri bolghan we döletlerning tonutilishighimu zor töhpe qoshidighan bibaha qimmetke ige «formula 1» musabiqisi, ötken yili dölitimizge élip kélingen idi. musabiqining dunyaning herqaysi jaylirida zor qiziqish bilen körülishi, mahir shopurlar bilen etretlerning türkiyege medhiye oqushi bilen dölitimiz bu yilmu «formula 1» musabiqisigha sahibxanliq qilidighan boldi.