yaponiye bilen hindistan hemkarliqni kücheytish toghrisida kélishti

türkiye awazi radiyosi xewiri: yaponiye bash ministiri suga yoshixidé hindistanliq mensepdishi naréndra modi bilen téléfonliship, ikki dölet munasiwetliri, hindi- tinch okyan rayoni we yuqumgha taqabil turush kürishi qatarliq mesililer toghrisida sözleshti.

suga, béyjingning sherqiy xitay déngizi we jenubiy xitay déngizining salahiyitini bir tereplime halda özgertishke urunushi, shundaqla xitayda 1 – féwral yolgha qoyulghan qanungha alaqidar endishisini otturigha qoydi.

yaponiye tashqi ishlar ministirliqining bayanatigha qarighanda, ikki rehber téléfon söhbiti arqiliq amérika qoshma ishtatliri we awstraliye bilen birlikte «erkin we ochuq hindi- tinch okyan» tesewwurini emelge ashurush toghrisida birdeklik hasil qilghan.

hindistanda yaponiyening meblighi we téxnikisidin paydilinip qurulidighan 500 kilométirliq yuqiri süretlik poyiz liniyesining tür basquchidiki ilgirileshler toghrisidimu sözleshken ikki rehber, yuqumgha taqabil turushta özara hemkarliq ornitishning ehmiyitini tekitligen.