birmadiki namayishlarda qaza qilghanlar omumiy sani 753 ke yetti

türkiye awazi radiyosi xewiri: siyasiy mehbuslargha yardem bérish teshkilatining kündilik doklatida, yéqinqi 24 saet ichide yene ikki kishining qaza qilghanliqi, shuning bilen, herbiy –  siyasiy özgirishke qarshi bashlanghan namayishlarda qaza qilghanlar omumiy sanining 753 ke yetkenliki, buningdin bashqa 3441 ademning nazaret astigha élinghanliqi, 1179 namayishchi üstidin tutush buyruqi chiqirilghanliqi qatarliq uchurlargha orun bérildi.

yene bir tereptin, herbiy – siyasiy özgirishke qarshi «karén milliy birliki» namliq étnik qoralliq guruppining, döletning jenubidiki chégrasidiki (tayland chégrasi) birma armiyesining bir herbiy bazisini qolgha kirgüzgenliki bildürüldi.

karén milliy birliki bayanat ishliri ishxanisi bayanat élan qilip, shu jay waqti saet 4 tin 30 minut ötkende karén ölkiisning mutraw rayonidiki herbiy bazigha basturup kirip qolgha kirgüzgenliklirini uqturdi. emma bayanatta, adem ölüsh yaki yarilinish ehwali toghrisida melumat bérilmidi.